طالبان نتوانسته امنیت مرزها را تامین کند
سفیر روسیه در تاجیکستان با اشاره به خطر حضور تروریست‌ها در مناطق شمالی افغانستان گفت: طالبان نتوانسته امنیت مرزها را تامین کند.
به گزارش فارس، سمیون گریگوریف، سفیر روسیه در تاجیکستان، در مصاحبه‌ای با خبرگزاری تاس گفت: گروه‌های تروریستی در سال ۲۰۲۳ بارها تلاش کردند که از افغانستان به تاجیکستان نفوذ کنند.
وی با اشاره به اینکه طالبان هنوز نتوانسته امنیت مرزها را تامین کند، افزود:« ما هیچ پیشرفت خاصی را در وعده‌های طالبان در تامین امنیت کشورهای همسایه افغانستان نمی‌بینیم.»
سمیون گریگوریف توضیح داد: در طول سال جاری، تروریست‌ها در تلاش نفوذ به خاک تاجیکستان از مرز افغانستان بودند که خوشبختانه تمام این حملات به سرعت توسط نیروهای امنیتی تاجیکستان سرکوب شدند.
این دیپلمات روسی مدعی شد که افغانستان در حوزه اجتماعی و اقتصادی هم رو به سقوط است و این کشور به معنای واقعی کلمه در آستانه یک بحران انسانی شدید است.
وی تاکید کرد که روسیه تمام تلاش خود را برای جلوگیری از حملات به متحدین خود که یکی از آن‌ها تاجیکستان است، انجام خواهد داد.
سفیر روسیه در تاجیکستان تصریح کرد: توجه جدی رهبران روسیه و تاجیکستان به موضوع افغانستان کاملا موجه است و مستلزم هماهنگ سازی مداوم است.
وی از افزایش قاچاق مواد مخدر صنعتی از افغانستان هم خبر داد و انتقاد کرد: کشورهای غربی عملا بودجه برنامه‌های مبارزه با مواد مخدر از افغانستان را کاهش داده‌اند.
گریگوریف از هجوم گسترده پناهجویان اخراجی از پاکستان به ولایات شمالی هم ابراز نگرانی کرده است. به گفته وی، در این شرایط، تغییر ترکیب قومی جمعیت در شمال افغانستان امکان‌‌پذیر است.
وی هشدار داد: ممکن است عناصر تروریستی در میان آوارگان وجود داشته باشند.
گفتنی است خبرگزاری دولتی تاجیکستان شهریور ماه سال جاری از کشته شدن سه «تروریست» به دست نیروهای امنیتی این کشور در مرز افغانستان خبر داد. کمیته امنیت ملی تاجیکستان در آن زمان اعلام کرد که این افراد اعضای گروه «جماعت انصارالله» بودند و از افغانستان وارد این کشور شده بودند.
در اردیبهشت امسال نیز کمیته امنیت ملی تاجیکستان اعلام کرد که دو عضو سازمان‌های تروریستی بین‌المللی که از مرز افغانستان وارد تاجیکستان شده بودند، هدف قرار گرفتند و کشته شدند.
منبع: etemadonline-645091